કર્ડ શોરબા | Curd Shorba
તારલા દલાલ

એક નવિન પ્રકારનું ભારતીય સૂપ, કર્ડ શોરબા, આમ તો આરોગ્યવર્ધક કઢીનું રૂપાંતર જ ગણી શકાય જે પચવામાં હલકું અને તાજગીભર્યું છે. એની ખુશ્બુ અને સ્વાદ ગમી જાય એવું હોવાથી જ્યારે તમે થાકેલા હો, અને જોમવાળું પીવાની ઈચ્છા કરો ત્યારે આ કર્ડ શોરબા તમને આરામદાયક પૂરવાર થશે.

This recipe has been viewed 4917 times

5/5 stars 100% LIKED IT
1 REVIEW ALL GOOD

दही शोरबा - हिन्दी में पढ़ें - Curd Shorba In Hindi

Curd Shorba - Read in English

કર્ડ શોરબા - Curd Shorba recipe in Gujarati

Tags

તૈયારીનો સમય: ૧૦ મિનિટ બનાવવાનો સમય: ૫ મિનિટ કુલ સમય : ૧૫ મિનિટ ૪માત્રા માટે
મને બતાવો માત્રા

ઘટકો

૩ કપ તાજુ દહીં
૪ ટીસ્પૂન ચણાનો લોટ
૧/૪ કપ દૂધ
૨ ટેબલસ્પૂન તેલ
૧ ટીસ્પૂન જીરૂ
૧/૨ કપ ઝીણા સમારેલા કાંદા
૧ ટેબલસ્પૂન ઝીણા સમારેલા લીલા મરચાં
૧/૨ ટીસ્પૂન ખમણેલું આદુ
એક ચપટીભર હળદર
મીઠું , સ્વાદાનુસાર
૧ ટીસ્પૂન સાકર
૧/૨ કપ કપ ઝીણી સમારેલી કાકડી
૧/૪ કપ ઝીણી સમારેલી કોથમીર

કાર્યવાહી

એક ઊંડા બાઉલમાં દહીં, ચણાનો લોટ અને દૂધ મેળવી તેમાં લોટના ગાંગળા ન રહે તેમ સારી રીતે વ્હીસ્ક વડે મિક્સ કરી લીધા પછી બાજુ પર રાખો.
એક નૉન-સ્ટીક પૅનમાં તેલ ગરમ કરી તેમા જીરૂ મેળવો.
જ્યારે દાણા તતડવા માંડે, ત્યારે તેમાં કાંદા, લીલા મરચાં અને આદુ મેળવી મધ્યમ તાપ પર ૧ થી ૨ મિનિટ સુધી સાંતળી લો.
તે પછી તેમાં દહીં-ચણાના લોટનું મિશ્રણ, હળદર, મીઠું, સાકર, કાકડી અને કોથમીર મેળવી સારી રીતે મિક્સ કરી મધ્યમ તાપ પર ૩ થી ૪ મિનિટ સુધી સતત હલાવતા રહી રાંધી લો.
ગરમ ગરમ પીરસો.