એકાએક તમને કંઇ ગરમ નાસ્તો ખાવાની તીવ્ર ઇચ્છા થઇ આવે, પણ પછી યાદ આવે કે તેના માટેની કોઇ આગળથી તૈયારી તો કરી જ નથી, એવા વખતે જો ગરમ અને સુંવાળા ઉત્તાપા ખાવાની ઇચ્છા થાય તો તે માટે ખીરૂં તો હાજર હોવું જોઇએ.
અહીં તમારી આ તકલીફ દૂર કરવા રવા તથા બ્રેડનું ખીરૂં તૈયાર કરી ઇન્સટંટ બ્રેડ ઉત્તાપમ બનાવવાની રીત રજૂ કરી છે. આ ખીરાનો સ્વાદ અસલ ઉત્તાપા જેવો જ છે, તે ઉપરાંત તે બનાવવામાં સરળ અને ઝડપી છે અને તેમાં કોઇ વસ્તુ પલાળવાની કે આથો આવવાની ક્રીયા માટે સમય બગાડવો પણ પડતો નથી.
અહીં અમે આ બ્રેડ ઉત્તાપાને વધુ આકર્ષક બનાવવા તેમાં રસદાર અને કરકરા શાક ઉમેર્યા છે અને સાથે લીલા મરચાં અને આદૂ તેને સૌમ્ય તીખાશ આપે છે.
વધેલા બ્રેડનો ઉપયોગ કરવા માટે આ વાનગી ઉપયુક્ત છે ઉપરાંત અચાનક આવી ચડેલા મહેમાનો માટે ઝટપટ નાસ્તો તૈયાર કરવા માટે પણ એટલી જ ઉપયોગી છે.
આ ઉત્તાપા ચટપટી લીલી ચટણી અને સાંભર સાથે તરત જ પીરસીને મહેમાનોને ખુશ કરી દો. અનિયન-ટમેટા રવા ઉત્તાપા અને ઓટસ્ મટર ઢોસા પણ અજમાવો.
Bread Uttapam Recipe, Instant Breakfast recipe - How to make Bread Uttapam Recipe, Instant Breakfast in gujarati
Method- મિક્સરની જારમાં બ્રેડના ટુકડા, રવો, મેંદો, દહીં અને લગભગ ૩/૪ કપ પાણી મેળવી સુંવાળું મિશ્રણ તૈયાર કરો.
- આ મિશ્રણને એક ઊંડા બાઉલમાં કાઢી લીધા પછી તેમાં બાકી રહેલી બધી વસ્તુઓ ઉમેરી સારી રીતે મિક્સ કરી લો.
- હવે એક નૉન-સ્ટીક તવાને ગરમ કરી, તેની પર થોડું પાણી છાંટી (તેનો તરત જ છમ અવાજ આવશે) કપડા વડે સાફ કરી લો. તે પછી તેની પર ૧/૪ ટીસ્પૂન તેલ ચોપડી લો.
- હવે તેની પર એક ચમચા જેટલું ખીરૂં રેડીને ૧૨૫ મી. મી. (૫”)ના વ્યાસનો જાડો ગોળાકાર બનાવી લો.
- તે પછી તેની કીનારીઓ પર ૧/૪ ટીસ્પૂન તેલ પાથરી મધ્યમ તાપ પર ઉત્તાપાને બન્ને બાજુએથી ગોલ્ડન બ્રાઉન થાય ત્યાં સુધી રાંધી લો.
- રીત ક્રમાંક ૩ થી ૫ મુજબ વધુ ૮ ઉત્તાપા તૈયાર કરો.
- લીલી ચટણી સાથે તરત જ પીરસો.