બરીટો બોલ ની રેસીપી - Burrito Bowl

Burrito Bowl recipe In Gujarati

This recipe has been viewed 718 times

Burrito Bowl - Read in English 


બરીટો બોલ નામ ભલે અટપટું છે, પણ ખરેખર તે બનાવવામાં વધુ સમય લાગતો નથી. આ ઉપરાંત તે ધરાઇને એક જ વાનગીથી પૂર્ણ જમણનો અનુભવ કરાવે એવું છે, તેથી તેની બનાવવાની મહેનતનું પૂરેપૂરું વળતર મળી રહે એમ કહી શકાય. આમ તો તે ભાતમાં રંગીન શાકભાજી, કેચપ અને પ્રમાણસર મસાલા, રિફ્રાઇડ બીન્સ, સાર ક્રીમ અને બીન રાંધેલા સાલસા વડે બનાવી તેની પર ટોપીંગ પાથરતા પહેલા ચીઝ અને અન્ય વસ્તુઓ વડે સજાવી એક વાનગીનો સંતોષ મળે એવું મજેદાર તૈયાર થાય છે.

રિફ્રાઇડ બીન્સ મેક્સિકન વાનગીમાં વધુ વપરાય છે અને બજારમાં સહેલાઇથી મળી રહે છે, પણ ટમેટા, લીલા કાંદા અને રાંધેલા રાજમા વડે જો ઘરે જ બનાવશો, તો તૈયાર મળતા રિફ્રાઇડ બીન્સ કરતા વધુ ખશ્બુદાર બનાવી શકશો. દરેક બોલ અલગ-અલગ તૈયાર કરવો જેથી દરેકને સરખા પ્રમાણમાં પીરસી શકાય અને તૈયાર કરી તરત જ પીરસવા જેથી તેનો વધુ આનંદ માણી શકાય.

Burrito Bowl recipe - How to make Burrito Bowl in gujarati

તૈયારીનો સમય: ૩૦ મિનિટ   બનાવવાનો સમય: ૧૧ મિનિટ   રાંધવા સમય લેવામાં :    કુલ સમય :     ૪ માત્રા માટે
મને બતાવો માત્રા

ઘટકો

બરીટો બોલ ની રેસીપી બનાવવા માટે

ભાત માટે
૨ ૧/૨ કપ રાંધેલા બાસમતી ભાત
૨ ટેબલસ્પૂન તેલ
૨ ટીસ્પૂન ઝીણું સમારેલું લસણ
૨ ટીસ્પૂન સૂકા લાલ મરચાંના ફ્લેક્સ્
૧/૨ કપ ઇસ કરેલા કાંદા
૩/૪ કપ સમારેલા સિમલા મરચાં
૧/૨ કપ બાફેલા મીઠી કાઇના દાણામ
૨ ટેબલસ્પૂન ટમેટા કેચપ
મીઠું, સ્વાદાનુસાર

રિફ્રાઇડ બીન્સ માટે
૧ ૧/૨ કપ પલાળીને બાફીને હલકા છૂંદેલા રાજમા
૧ ટેબલસ્પૂન તેલ
૧ ટીસ્પૂન ઝીણું સમારેલું લસણ
૨ ટીસ્પૂન સૂકા લાલ મરચાંના ફ્લેક્સ
૧/૨ કપ ઝીણા સમારેલા લીલા કાંદા
કપ સમારેલા ટમેટા
૧/૪ કપ ટમેટા કેચપ
૧/૨ ટીસ્પૂન મરચાં પાવડર (ફરજિયાત નથી)
મીઠું, સ્વાદાનુસાર

મિક્સ કરીને સાર ક્રીમ મેળવવા માટે
૧ કપ ચક્કો દહીં
૨ ટીસ્પૂન લીંબુનો રસ
મીઠુંઅને તાજું પીસેલું કાળા મરીનું પાવડર , સ્વાદાનુસાર

કાચા સાલસા માટે
૧ કપ ઝીણા સમારેલા ટમેટા
૧/૨ કપ ઝીણા સમારેલા કાંદા
૧ ટીસ્પૂન સૂકા લાલ મરચાંના ફ્લેક્સ
૧ ટેબલસ્પૂન ઝીણી સમારેલી કોથમીર (ફરજિયાત નથી)
મીઠું, સ્વાદાનુસાર

બીજી જરૂરી વસ્તુઓ
૨ ટેબલસ્પૂન ઝીણા સમારેલા લીલા કાંદા
૪ ટેબલસ્પૂન ખમણેલું પ્રોસેસ્ડ ચીઝ
૧ કપ કરકરો ભુક્કો કરેલી કોર્ન ચીપ્સ
કાર્યવાહી
ભાત માટે

    ભાત માટે
  1. એક પહોળા નૉન-સ્ટીક પૅનમાં તેલ ગરમ કરી તેમાં લસણ મેળવી મધ્યમ તાપ પર થોડી સેકંડ સુધી સાંતળી લો.
  2. તે પછી તેમાં સૂકા લાલ મરચાંના ફ્લેક્સ તથા કાંદા મેળવી મધ્યમ તાપ પર ૧ મિનિટ સુધી સાંતળી લો.
  3. તે પછી તેમાં સિમલા મરચાં મેળવી મધ્યમ તાપ પર ૧ મિનિટ સુધી સાંતળી લો.
  4. હવે તેમાં મીઠી મકાઇના દાણા મેળવી મધ્યમ તાપ પર થોડી સેકંડ સુધી સાંતળી લો.
  5. તે પછી તેમાં ભાત, ટમેટા કેચપ અને મીઠું મેળવી હળવેથી મિક્સ કરી મધ્યમ તાપ પર વચ્ચે-વચ્ચે હલાવતા રહી ૨ મિનિટ સુધી રાંધી લીધા પછી બાજુ પર રાખો.

રિફ્રાઇડ બીન્સ બનાવવા માટે

    રિફ્રાઇડ બીન્સ બનાવવા માટે
  1. એક પહોળા નૉન-સ્ટીક પૅનમાં તેલ ગરમ કરી તેમાં લસણ અને સૂકા લાલ મરચાંના ફ્લેક્સ મેળવી મધ્યમ તાપ પર થોડી સેકંડ સુધી સાંતળી લો.
  2. તે પછી તેમાં લીલા કાંદા મેળવી મધ્યમ તાપ પર ૧ મિનિટ સુધી સાંતળી લો.
  3. તે પછી તેમાં ટમેટા મેળવી સારી રીતે મિક્સ કરી મધ્યમ તાપ પર ટમેટાને ચમચાના પાછળના ભાગ વડે હલકા હાથે છુંદતા રહી ૨ મિનિટ સુધી રાંધી લો.
  4. તે પછી તેમાં ટમેટા કેચપ, રાજમા, મરચાં પાવડર, મીઠું અને ૧ ટેબલસ્પૂન પાણી મેળવી સારી રીતે મિક્સ કરી મધ્યમ તાપ પર વચ્ચે-વચ્ચે હલાવતા રહી ૨ મિનિટ સુધી રાંધીને બાજુ પર રાખો.

કાચા સાલસા બનાવવા માટે

    કાચા સાલસા બનાવવા માટે
  1. એક ઊંડા બાઉલમાં બધી વસ્તુઓ મેળવી સારી રીતે મિક્સ કરી ચમચાના પાછળના ભાગ વડે છુંદીને બાજુ પર રાખો.

બરીટો બોલ ની રેસીપી બનાવવા માટે આગળની રીત

    બરીટો બોલ ની રેસીપી બનાવવા માટે આગળની રીત
  1. ભાતના ૪ સરખા ભાગ પાડી બાજુ પર રાખો.
  2. રિફ્રાઇડ બીન્સના ૪ સરખા ભાગ પાડી બાજુ પર રાખો.
  3. સાર ક્રીમના ૪ સરખા ભાગ પાડી બાજુ પર રાખો.
  4. કાચા સાલસાના ૪ સરખા ભાગ પાડી બાજુ પર રાખો.
  5. હવે પીરસતા પહેલાં, એક મોટા સર્વિંગ બાઉલમાં ભાતનો એક ભાગ મૂકી ચમચાના પાછળના ભાગ વડે તેને હલકા હાથે દબાવી લો.
  6. હવે તેની પર રિફ્રાઇડ બીન્સનો એક ભાગ મૂકી ફરીથી તેને ચમચાના પાછળના ભાગ વડે તેને હલકા હાથે દબાવી લો.
  7. તે પછી તેની પર સાર ક્રીમનો એક ભાગ મૂકી ચમચાના પાછળના ભાગ વડે સરખી રીતે પાથરી લો.
  8. હવે તેની પર કાચા સાલસાનો એક ભાગ મૂકી સરખી રીતે પાથરી લો.
  9. છેલ્લે તેની પર ૧/૨ ટેબલસ્પૂન લીલા કાંદાનો લીલો તથા સફેદ ભાગ સરખી રીતે છાંટી તેની પર ૧ ટેબલસ્પૂન ખમણેલું ચીઝ અને ૧/૪ કપ કરકરો ભુક્કો કરેલી કોર્ન ચીપ્સ પણ છાંટી લો.
  10. રીત ક્રમાંક ૫ થી ૯ મુજબ બીજા વધુ ૩ સર્વિંગ બાઉલ તૈયાર કરો.
  11. તરત જ પીરસો.

Reviews