કોર્ન એન્ચીલાડા - Corn Enchiladas

Corn Enchiladas recipe In Gujarati

This recipe has been viewed 942 times

Corn Enchiladas - Read in English 


કોર્ન એન્ચીલાડા એક પ્રખ્યાત મેક્સિકન વાનગી છે, જેમાં નરમ અને મજેદાર પૅનકેકની વચ્ચે કોર્ન અને અન્ય ભાજીવાળા વાઇટ સૉસનું મિશ્રણ ભરવામાં આવે છે. આ ઉપરાંત ઉપરથી ટમેટાનું સૉસ, કાંદા, લીલા કાંદા અને ખમણેલું ચીઝ મેળવ્યા પછી આ કોર્ન એન્ચીલાડા બેક કરવા તૈયાર થાય છે. ચીઝનું થર તેને મલાઇદાર રૂપ આપશે, જે તમને એવું સ્વાદિષ્ટ લાગશે કે તમે ખાઇને તૃપ્ત થઇ જશો. આમ તો કોર્ન એન્ચીલાડા કોઇપણ અન્ય વાનગી વગર પણ ખાઇ શકાય એવા છે, છતાં તમે તેની સાથે ટમેટા, કોબી અને બીનનું સુપ અથવા મેક્સિકન રાઇસ પીરસીને સંપૂર્ણ જમણનો અહેસાસ પણ મેળવી શકો છો.

Corn Enchiladas recipe - How to make Corn Enchiladas in gujarati

તૈયારીનો સમય: ૨૦ મિનિટ   બેકિંગનું તાપમાન:  ૨૦૦° સે (૪૦૦° ફે)   બેકિંગનો સમય:  ૨૦ મિનિટ   બનાવવાનો સમય: ૧૫ મિનિટ   રાંધવા સમય લેવામાં :    કુલ સમય :     ૪માત્રા માટે
મને બતાવો માત્રા

ઘટકો

પૅનકેક માટે
૧/૨ કપ મેંદો
મીઠું , સ્વાદાનુસાર
પીગળાવેલું માખણ , રાંધવા માટે

કોર્નના પૂરણ માટે
૧ કપ બાફેલા મીઠી મકાઇના દાણા
૧ ટેબલસ્પૂન તેલ
૧ ટીસ્પૂન ઝીણું સમારેલું લસણ
૧/૨ કપ ઝીણા સમારેલા કાંદા
૧/૨ કપ ઝીણા સમારેલા સિમલા મરચાં
૨ ટીસ્પૂન સૂકા લાલ મરચાંના ફલેકસ્
૧ કપ ઘટ્ટ સફેદ સૉસ
મીઠું , સ્વાદાનુસાર

ટમેટાના સૉસ માટે
૨ કપ સમારેલા ટમેટા
૧/૨ કપ સમારેલા કાંદા
૧ ટેબલસ્પૂન સમારેલું લસણ
૧ ટીસ્પૂન સૂકા લાલ મરચાંના ફલેકસ્
૧/૪ કપ ઝીણા સમારેલા લીલા કાંદા (સફેદ અને લીલો ભાગ બન્ને)
૧ ટેબલસ્પૂન તેલ
૧/૨ ટીસ્પૂન મરચાં પાવડર
મીઠું , સ્વાદાનુસાર
૧ ટેબલસ્પૂન સાકર

બીજી જરૂરી વસ્તુ
૬ ટેબલસ્પૂન ખમણેલું પ્રોસેસ્ડ ચીઝ

ટોપીંગ માટે
૧/૨ કપ ખમણેલું પ્રોસેસ્ડ ચીઝ
કાર્યવાહી
પૅનકેક માટે

    પૅનકેક માટે
  1. એક ઊંડા બાઉલમાં મેંદો, મીઠું અને ૩/૪ કપ પાણી મેળવી સારી રીતે જેરી લો જેથી તેમાં ગઠોડા ન રહે.
  2. એક ૧૨૫ મી. મી. (૫”)ના ગોળાકાર પૅનમાં પીગળાવેલું માખણ ચોપડી લો.
  3. તે પછી તેમાં એક ચમચા જેટલું ખીરૂ રેડી, પૅનને ઝડપથી એક બાજુએથી નમાવી લો જેથી ખીરૂ પૅનમાં સરખી માત્રામાં પથરાઇ જાય.
  4. હવે જ્યારે પૅનકેકની બાજુઓ ઉખડી જવા માંડે, ત્યારે પૅનકેકને ઉથલાવી તેની બીજી બાજુની કીનારી પર થોડું માખણ રેડીને ૩૦ સેકંડ સુધી રાંધી લો.
  5. રીત ક્રમાંક ૨ થી ૪ મુજબ વધુ ૫ પૅનકેક તૈયાર કરો.

કોર્નનું પૂરણ તૈયાર કરવા માટે

    કોર્નનું પૂરણ તૈયાર કરવા માટે
  1. એક પહોળા નૉન-સ્ટીક પૅનમાં તેલ ગરમ કરી, તેમાં લસણ અને કાંદા મેળવી મધ્યમ તાપ પર ૨ મિનિટ સુધી સાંતળી લો.
  2. તે પછી સિમલા મરચાં ઉમેરી મધ્યમ તાપ પર ૨ મિનિટ સુધી સાંતળી લો.
  3. તે પછી તેમાં સૂકા લાલ મરચાંના ફ્લેકસ્ તથા મકાઇ ઉમેરી મધ્યમ તાપ પર વધુ ૧ મિનિટ સુધી સાંતળી લો.
  4. તે પછી તેમાં સફેદ સૉસ તથા થોડું મીઠું ઉમેરી, સારી રીતે મિક્સ કરી મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહી રાંધી લો. આમ તૈયાર થયેલા પૂરણને બાજુ પર રાખો.

ટમેટાના સૉસ માટે

    ટમેટાના સૉસ માટે
  1. મિક્સરની જારમાં ટમેટા, કાંદા અને લસણ મેળવીને થોડું પણ પાણી ઉમેર્યા વગર સુંવાળી પેસ્ટ તૈયાર કરી બાજુ પર રાખો.
  2. એક પહોળા નૉન-સ્ટીક પૅનમાં તેલ ગરમ કરી, તેમાં લીલા કાંદાનો સફેદ તથા લીલો ભાગ મેળવી મધ્યમ તાપ પર ૩૦ સેકંડ સુધી સાંતળી લો.
  3. તે પછી તેમાં બાકી રહેલી બધી વસ્તુઓની સાથે તૈયાર કરેલી ટમેટા-કાંદાની પેસ્ટ ઉમેરી, સારી રીતે મિક્સ કરી મધ્યમ તાપ પર ૩ થી ૪ મિનિટ સુધી વચ્ચે-વચ્ચે હલાવતા રહી રાંધી લીધા પછી તેને બાજું પર રાખો.

આગળની રીત

    આગળની રીત
  1. તૈયાર કરેલા પૂરણના ૬ સરખા ભાગ પાડી બાજુ પર રાખો.
  2. હવે તૈયાર કરેલા ૧ પૅનકેકને સાફ અને સૂકી જગ્યા પર રાખી તેની મધ્યમાં પૂરણનો એક ભાગ મૂકી તેની પર ૧ ટેબલસ્પૂન ચીઝ સરખી રીતે છાંટી, પૅનકેકની એક બાજુએથી શરૂ કરી બીજી બાજુ સુધી વાળીને ગોળ રોલ બનાવો.
  3. રીત ક્રમાંક ૨ મુજબ બીજા ૫ પૅનકેક તૈયાર કરો.
  4. હવે બેકિંગ ડીશમાં ૧/૪ કપ તૈયાર કરેલું ટમેટાનું સૉસ સરખી રીતે પાથરી તેની પર તૈયાર કરેલા પૅનકેક ગોઠવી લો.
  5. તે પછી તેની પર બાકી રહેલું ટમેટાનું સૉસ સરખી રીતે રેડી લો. છેલ્લે તેની પર ચીઝ છાંટી લો.
  6. આગળથી ગરમ કરેલા ઑવનમાં આ બેકિંગ ડીશ મૂકી ૨૦૦° સે (૪૦૦° ફે) તાપમાન પર ૧૫ મિનિટ સુધી બેક કરી લો.
  7. તરત જ પીરસો.

Reviews