કેટલેક અંશે મસાલેદાર ગણી શકાય એવો આ કાકડીનો રાઇતો અહીં દક્ષિણ ભારતીય રીતે એટલે કે સાંતળેલા કાંદા, લીલા મરચાં અને મધુર સુંગધી વઘાર વડે તૈયાર કરવામાં આવ્યો છે. આ દરરોજનો રાઇતો નથી, પણ તેની લહેજતદાર ખુશ્બુ અને બનાવટ તેને ખાસ બનાવે છે. આ દક્ષિણ ભારતીય રાઇતામાં રાંધેલા કાંદા અને અર્ધ-રાંધેલા કાંદા (વઘાર સાથેના) બે અલગ પ્રકારની વિવિધતા અને ખુશ્બુ ઘરાવે છે. અહીં ખાસ યાદ રાખવાનું છે કે તેમાં દહીંનો ઉમેરો સાંતળેલા શાકમાં ત્યારે જ કરવો જ્યારે શાક સંપૂર્ણ ઠંડું થઇ જાય, નહીં તો દહીંમાંથી પાણી છુટશે અને રાઇતાને મળતો મલાઇદાર રૂપ બગડી જશે.
Cucumber Pachadi, South Indian Cucumber Raita recipe - How to make Cucumber Pachadi, South Indian Cucumber Raita in gujarati
Method- એક ઊંડી નૉન-સ્ટીક કઢાઇમાં ૨ ટીસ્પૂન નાળિયેરનું તેલ ગરમ કરી તેમાં આદૂ અને કાંદા મેળવી મધ્યમ તાપ પર ૨ મિનિટ સુધી સાંતળી લો.
- પછી તેમાં કાકડી, લીલા મરચાં અને ૧ ટેબલસ્પૂન પાણી મેળવી સારી રીતે મિક્સ કરી મધ્યમ તાપ પર ૪ મિનિટ સુધી વચ્ચે-વચ્ચે હલાવતા રહી રાંધી લો.
- આ મિશ્રણને એક બાઉલમાં કાઢી, ઠંડું થવા બાજુ પર રાખો.
- જ્યારે તે સંપૂર્ણ ઠંડું થઇ જાય, ત્યારે તેમાં દહીં અને મીઠું મેળવી સારી રીતે મિક્સ કરી બાજુ પર રાખો.
- હવે બાકી રહેલું ૧ ટીસ્પૂન નાળિયેરનું તેલ એક નાના નૉન-સ્ટીકમાં પૅનમાં ગરમ કરી તેમાં રાઇ નાંખો.
- જ્યારે દાણા તતડવા માંડે, ત્યારે તેમાં કડી પત્તા, લાલ મરચાં અને કાંદા મેળવી મધ્યમ તાપ પર ૨ મિનિટ સુધી સાંતળી લો.
- આમ તૈયાર થયેલા વઘારને કાકડી-દહીંના મિશ્રણ પર રેડી સારી રીતે મિક્સ કરી લો.
- આ પચડી ને ઠંડી થવા રેફ્રીજરેટરમાં ઓછામાં ઓછો ૧ કલાક માટે મૂકો.
- ઠંડી પીરસો.