દૂધીનો હલવો - Doodhi Halwa, Lauki Halwa Recipe

Doodhi Halwa, Lauki Halwa Recipe In Gujarati

This recipe has been viewed 1340 times



ભારતીય મીઠાઇઓમાં દૂધીનો હલવો દરેક સમયે બધાની માનીતી મીઠાઇ રહી છે, ભલે તે રેફ્રીજરેટરમાં રાખેલું ઠંડું, કે પછી ગરમ અથવા હુંફાળું હોય, સાદું કે પછી આઇસક્રીમ વડે સજાવેલું હોય, પણ દૂધી હલવાની લલચાવે તેવી સુગંધ અને શાહી રચના સૌને મોહિત કરી દે એવી છે.

અહીં, અમે દૂધીનો હલવો વધુ મહેનત વગર પ્રેશર કુકરમાં બનાવવાની રીત જણાવી છે, જેથી તમને તેને સતત હલાવતા રહી વધુ સમય સુધી રાંધવાની જરૂર નથી પડતી. ફક્ત દૂધી તથા માવાને પ્રેશર કુકરમાં સાંતળી લીધા પછી થોડી મિનિટ રાંધવાથી જ તમારી પસંદગીનો હલવો પિસ્તા બદામથી સજાવીને તૈયાર થઇ જશે.

બીજી વિવિધ મીઠાઇ પણ અજમાવો જેમ સક્કરકંદનો હલવો અને સફરજનની રબડી .

Doodhi Halwa, Lauki Halwa Recipe recipe - How to make Doodhi Halwa, Lauki Halwa Recipe in gujarati

તૈયારીનો સમય: ૧૦ મિનિટ   બનાવવાનો સમય: ૧૭ મિનિટ   રાંધવા સમય લેવામાં :    કુલ સમય :     ૪ માત્રા માટે
મને બતાવો માત્રા

ઘટકો
૨ કપ ખમણેલી દૂધી
૩ ટેબલસ્પૂન ઘી
૧/૨ કપ ભૂક્કો કરેલો માવો
૩/૪ કપ સાકર
૧/૨ ટીસ્પૂન એલચી પાવડર
૨ ટેબલસ્પૂન હુંફાળું ગરમ દૂધ

સજાવવા માટે
૧ ટેબલસ્પૂન બદામની કાતરી
૧ ટેબલસ્પૂન પિસ્તાની કાતરી
કાર્યવાહી
    Method
  1. એક પ્રેશર કુકરમાં ઘી ગરમ કરી તેમાં દૂધી અને માવો મેળવી મધ્યમ તાપ પર ૨ મિનિટ સુધી સાંતળી લો.
  2. તે પછી તેમાં સાકર, એલચી પાવડર, ૨ ટેબલસ્પૂન હુંફાળું ગરમ દૂધ અને ૨ ટેબલસ્પૂન પાણી મેળવી, સારી રીતે મિક્સ કરી ઊંચા તાપ પર પ્રેશર કુકરની ૨ સીટી સુધી રાંધી લો.
  3. પ્રેશર કુકરનું ઢાંકણ ખોલતા પહેલા તેની વરાળને નીકળી જવા દો.
  4. હવે તેને મધ્યમ તાપ પર વચ્ચે-વચ્ચે હલાવતા રહી ૫ મિનિટ સુધી રાંધી લો.
  5. પિસ્તા અને બદામ વડે સજાવીને ગરમ-ગરમ પીરસો.

Reviews