ખાનદેશી દાળ ની રેસીપી - Khandeshi Dal

Khandeshi Dal recipe In Gujarati

This recipe has been viewed 415 times

Khandeshi Dal - Read in English 


ગરમા ગરમ બાજરાની રોટી સાથે આ ખાનદેશી દાળ બનાવીને જુઓ કે કેવો મજેદાર મેલાપ તૈયાર થાય છે. મગની દાળ, મસૂરની દાળ, તુવરની દાળ અને અડદની દાળને મસાલાવાળી કાંદા, સૂકા નાળિયેર, મરચાં, મરી વગેરેની પેસ્ટ સાથે રાંધીને તેમાં કરેલો તડકાનો વઘાર આ વાનગીને અનેરી સુવાસ આપીને મસ્ત રંગીન બનાવે છે. આનંદથી બનાવો આ વાનગી અને મોજથી માણો.

Khandeshi Dal recipe - How to make Khandeshi Dal in gujarati

તૈયારીનો સમય: ૧૦ મિનિટ   બનાવવાનો સમય: ૨૦ મિનિટ   રાંધવા સમય લેવામાં :    કુલ સમય :     ૪ માત્રા માટે
મને બતાવો માત્રા

ઘટકો

ખાનદેશી દાળ માટે
૧/૩ કપ અડદની દાળ
૧/૩ કપ મિક્સ દાળ (મસૂર દાળ , ચણા દાળ અને લીલા મગની દાળ)
મીઠું, સ્વાદાનુસાર
૧/૪ ટીસ્પૂન હળદર

ખાનદેશી દાળ ના મસાલા પાવડર માટે
૧ ટીસ્પૂન તેલ
૧/૪ કપ ખમણેલું સૂકુ નાળિયેર
૧/૨ કપ જાડા સ્લાઈસ કરેલા કાંદા
આખા સૂકા લાલ કાશ્મીરી મરચાં
૨ ટેબલસ્પૂન ધાણા પાવડર
૪ to ૫ લવિંગ
એલચી
૨૫ મિલીલીટર (૧") નો તજટુકડો
કાળી મરી
લસણની કળી

વધાર માટે
૨ ટેબલસ્પૂન તેલ
૧ ટીસ્પૂન રાઈ
આખો લાલ કાશ્મીર મરચો
તમાલ પત્ર
૨ ટીસ્પૂન લીંબુંનો રસ
૨ ટેબલસ્પૂન ઝીણી સમારેલી કોથમીર

સજાવવા માટે
૧ ટેબલસ્પૂન ઝીણી સમારેલી કોથમીર
કાર્યવાહી
ખાનદેશી દાળ માટે

    ખાનદેશી દાળ માટે
  1. બધી દાળને સાફ કરીને ધોઈને ૨ ક્લાક પાણીમાં પલાળી રાખ્યા બાદ નીતારી લો.
  2. બધી દાળને પ્રેશર કુકરના વાસણમાં ભેગી કરી તેમાં ૨ કપ પાણી, મીઠું અને હળદર મેળવી સારી રીતે મિક્સ કરી કુકરની ૨ સીટી સુધી બાફી લો.
  3. કુકરનું ઢાંકણ ખોલતા પહેલા તેની વરાળને નીકળી જવા દો.
  4. આ દાળને એક ઊંડા બાઉલમાં કાઢી બાજુ પર રાખો.

મસાલા પાવડર તૈયાર કરવા માટે

    મસાલા પાવડર તૈયાર કરવા માટે
  1. એક ઊંડા નૉન-સ્ટીક પૅનમાં તેલ ગરમ કરી તેમાં નાળિયેર અને કાંદા મેળવી મધ્યમ તાપ પર ૨ થી ૩ મિનિટ સુધી સાંતળી લો.
  2. તે પછી તેમાં લાલ મરચાં, ધાણા પાવડર, લવિંગ, એલચી, તજ અને મરી મેળવી મધ્યમ તાપ પર વધુ ૧ થી ૨ મિનિટ સુધી સાંતળી લો.
  3. તે પછી તેમાં લસણ મેળવી મધ્યમ તાપ પર થોડી સેકંડ સુધી સાંતળી લો.
  4. તેને તાપ પરથી નીચે ઉતારી ઠંડું થવા બાજુ પર રાખો.
  5. એક વખત તે સંપૂંર્ણ ઠંડું થઈ જાય, તે પછી તેને મિક્સરમાં ફેરવી સુંવાળું પાવડર બનાવી બાજુ પર રાખો.

આગળની રીત

    આગળની રીત
  1. તૈયાર કરેલો મસાલા પાવડરનો અડધો ભાગ દાળમાં ઉમેરી સારી રીતે મિક્સ કરી બાજૂ પર રાખો.

વધાર માટે

    વધાર માટે
  1. એક નાની નૉન-સ્ટીક કઢાઇમાં તેલ ગરમ કરી તેમાં રાઈ મેળવો.
  2. જ્યારે દાણા તતડવા માંડે, ત્યારે તેમાં લાલ મરચો અને તમાલ પત્ર મેળવી મધ્યમ તાપ પર ૩૦ સેકંડ સુધી સાંતળી લો.
  3. આ વધારને તૈયાર કરેલી દાળના બાઉલમાં ઉમેરી સારી રીતે મિક્સ કરી મધ્યમ તાપ પર ૨ થી ૩ મિનિટ સુધી વચ્ચે-વચ્ચે હલાવતા રહી રાંધી લો.
  4. છેલ્લે તેમાં લીંબુનો રસ અને કોથમીર ઉમેરી સારી રીતે મિક્સ કરી મધ્યમ તાપ પર વધુ ૨ મિનિટ સુધી રાંધી લો.
  5. કોથમીર વડે સજાવીને તરત જ પીરસો.

Reviews