લહેજતદાર હાંડી બિરયાની - Lajjatdar Handi Biryani

Lajjatdar Handi Biryani recipe In Gujarati

This recipe has been viewed 2147 times

Lajjatdar Handi Biryani - Read in English 


પ્રેશર કુકર અથવા ખુલ્લા પૅનમાં બનાવેલી બિરયાનીની સરખામણીમાં હાંડી બિરયાની ક્યારે પણ વધુ જ ચઢિયાતી ગણાય છે પછી ભલે એવું લાગતું હોય કે તેની રીતમાં એકસમાન સામગ્રીનો ઉપયોગ કરવામાં આવ્યો હોય. ફક્ત વાસણના ઢાંકણને ઘઉંની કણિક વડે અંદર બહારની હવા પેસે નહીં એવી રીતે બંધ કરી અંદરની સામગ્રીને બરોબર રાંધવા દેવું, એજ બીજી રીતથી તેનો મુખ્ય તફાવત છે. આમ તો આ રીતનું મુખ્ય કારણ એ છે કે અંદરની હવા બહાર ન નીકળે. અંદરના પાણીનું બાષ્પીભવન થઇ વરાળ અંદર જ રહે જેથી સામગ્રીનો સ્વાદ અને સુગંધ જળવાઇ રહે. આ પાકી વ્યવસ્થાથી જ લહેજતદાર બિરયાનીનો સ્વાદ તમને એકે એક ચમચામાં માણવા મળશે અને તમે જરૂરથી તેમાં ઉમેરવામાં આવેલી એકે એક વસ્તુનો સ્વાદ પારખી શકશો, પછી ભલે તે આખા મસાલા હોય, જે ચોખા અને રસદાર ચણા મસાલાને સ્વાદિષ્ટ બનાવવા વપરાયલા હોય કે પછી કેસર અને તાજા હર્બસ્ હોય, જે ચોખાના ઉપરના ભાગ પર પાથરવામાં આવ્યા હોય. બસ, તો પછી તૈયાર થઇ જાઓ આ બિરયાનીના સ્વાદમાં લીન થઇ જવા માટે.

Lajjatdar Handi Biryani recipe - How to make Lajjatdar Handi Biryani in gujarati

તૈયારીનો સમય: ૨૫ મિનિટ   પલાળવાનો સમય:  ૧૦ મિનિટ   બનાવવાનો સમય: ૨૭ મિનિટ   રાંધવા સમય લેવામાં :    કુલ સમય :     ૪માત્રા માટે
મને બતાવો માત્રા

ઘટકો

ભાત માટે
૧ ૧/૪ કપ બાસમતી ચોખા , ૧૦ મિનિટ પલાળીને નીતારેલા
૧ ટેબલસ્પૂન તેલ
લીલી એલચી
મોટી કાળી એલચી
લવિંગ
નાનો ટુકડો તજ
તમાલપત્ર
૧ ૧/૨ કપ દૂધ
મીઠું , સ્વાદાનુસાર

ચણા મસાલાના મિશ્રણ માટે
૧ ૧/૪ કપ પલાળીને રાંધેલા કાળા ચણા
૧/૪ કપ ઘી
૨ ટીસ્પૂન આદૂ-લસણની પેસ્ટ
૧/૪ કપ સમારેલા ટમેટા
૨ ટીસ્પૂન ઝીણા સમારેલા લીલા મરચાં
૧/૨ ટીસ્પૂન મરચાં પાવડર
૧/૪ ટીસ્પૂન હળદર
૧ કપ અર્ધબાફેલા બટાટાના ટુકડા
૪ ટેબલસ્પૂન જેરી લીધેલું દહીં
મીઠું , સ્વાદાનુસાર

મિકસ કરીને દહીંનું મિશ્રણ તૈયાર કરવા માટે
૧/૪ કપ દહીં
૧ ટીસ્પૂન ગરમ મસાલો
એક ચપટીભર એલચી પાવડર
મીઠું , સ્વાદાનુસાર

બીજી જરૂરી વસ્તુઓ
૧/૪ કપ ઝીણી સમારેલી કોથમીર
૨ ટેબલસ્પૂન સમારેલા ફૂદીનાના પાન
૧ ટીસ્પૂન આદૂ , પાતળી ચીરી કરેલો (મરજીયાત)
પાતળી ચીરી કરેલા લીલા મરચાં
૧/૪ ટીસ્પૂન કેસરના રેસા
૨ ટેબલસ્પૂન દૂધ
૨ ટેબલસ્પૂન તળેલા કાંદા
ઘઉંની કણિક , વાસણને ઢાંકીને દમ આપવા માટે

પીરસવા માટે
રાઇતો
કાર્યવાહી
    Method
  1. એક ઊંડા નૉન-સ્ટીક પૅનમાં તેલ ગરમ કરી, તેમાં લીલી એલચી, મોટી કાળી એલચી, લવિંગ, તજ અને તમાલપત્ર મેળવી સારી રીતે મિક્સ કરી મધ્યમ તાપ પર થોડી સેકંડ સુધી સાંતળી લો.
  2. તે પછી તેમાં ચોખા, દૂધ અને મીઠું મેળવી, સારી રીતે મિક્સ કરીને પૅનને ઢાંકી ધીમા તાપ પર ૫ થી ૭ મિનિટ અથવા ચોખા બરોબર રંધાઇ જાય અને અંદરના પ્રવાહીનું સંપૂર્ણ બાષ્પીભવન થઇ જાય ત્યાં સુધી વચ્ચે-વચ્ચે હલાવતા રહી રાંધી લીધા પછી બાજુ પર રાખો.

ચણા મસાલાના મિશ્રણ માટે

    ચણા મસાલાના મિશ્રણ માટે
  1. એક નૉન-સ્ટીક કઢાઇમાં ઘી ગરમ કરી તેમાં આદૂ-લસણની પેસ્ટ મેળવી મધ્યમ તાપ પર થોડી સેકંડ સુધી સાંતળી લો.
  2. તે પછી તેમાં ટમેટા ઉમેરી મધ્યમ તાપ પર વચ્ચે-વચ્ચે હલાવતા રહી ૧ મિનિટ સુધી રાંધી લો.
  3. તે પછી તેમાં લીલા મરચાં, મરચાં પાવડર અને હળદર મેળવી, સારી રીતે મિક્સ કરી મધ્યમ તાપ પર ૩૦ સેકંડ સુધી વચ્ચે-વચ્ચે હલાવતા રહી રાંધી લો.
  4. છેલ્લે તેમાં બાફેલા બટાટા, કાળા ચણા, દહીં અને મીઠું મેળવી, સારી રીતે મિક્સ કરી ધીમા તાપ પર ૧ થી ૨ મિનિટ સુધી વચ્ચે-વચ્ચે હલાવતા રહી રાંધી લો.

આગળની રીત

    આગળની રીત
  1. એક નાના બાઉલમાં દૂધ અને કેસર સારી રીતે મિક્સ કરી બાજુ પર રાખો.
  2. એક ઊંડી હાંડીમાં ચણા મસાલાનું મિશ્રણ રેડી ચમચા વડે સરખી રીતે પ્રસારી લો.
  3. તે પછી તેની પર કોથમીર, ફૂદીનાના પાન, આદૂ અને લીલા મરચાંનો સરખી રીતે છંટકાવ કરી લો.
  4. હવા તેની પર દહીંનું મિશ્રણ સરખી રીતે પાથરી લો.
  5. તે પછી તેની પર ભાત મૂકી, ચમચાના પાછલા ભાગ વડે સરખી રીતે પાથરી લો.
  6. તે પછી તેની પર કેસર-દૂધનું મિશ્રણ અને તળેલા કાંદા સરખી રીતે પાથરી લો.
  7. છેલ્લે હાંડીને ઢાંકી, હાંડીની કીનારીઓને ઘઉંના લોટની કણિક વડે સજ્જડ રીતે બંધ કરી લો.
  8. આ હાંડીને ધીમા તાપ પર ૧૦ થી ૧૫ મિનિટ રાંધી લો.
  9. તાપને બંઘ કરી, હાંડીને ૫ મિનિટ માટે ઠંડી પાડ્યા પછી હાંડીની કીનારીઓ પર ચોપડેલા ઘઉંની કણિક કાઢી લો.
  10. રાઇતા સાથે ગરમ પીરસો.

Reviews