મેક્સિકન ફ્રાઇડ રાઇસ - Mexican Fried Rice, Quick Recipe

Mexican Fried Rice,  Quick Recipe In Gujarati

This recipe has been viewed 1917 times



જલ્દીથી બનતી, સહેલી અને ઉત્તમ, આ મેક્સિકન ફ્રાઇડ રાઇસની વાનગી એવી સચોડદાર છે કે તે દરેકને ગમશે જ.

તેનો અનોખો સ્વાદ, આદૂ-લસણની પેસ્ટની ઉગ્ર ખુશ્બુ અને તેમાં મેળવેલા કરકરા શાક સાથે ટમેટાની ખટાશ આ વાનગીને મનગમતી બનાવે છે.

તેમાં મેળવેલા શાકભાજી પણ તેને મનોહર બનાવે છે. જો તમે આગળથી ભાત રાંધીને તૈયાર રાખ્યા હશે તો આ વાનગી થોડા સમયમાં જ બની શકે છે અને તમારા ધમાલિયા દીવસ પછી તમે તેને શાંતિથી માણી શકશો. તેને ગરમ ગરમ પીરસવાની જ મજા છે.

Mexican Fried Rice, Quick Recipe recipe - How to make Mexican Fried Rice, Quick Recipe in gujarati

તૈયારીનો સમય: ૧૫ મિનિટ   બનાવવાનો સમય: ૫ મિનિટ   રાંધવા સમય લેવામાં :    કુલ સમય :     ૪ માત્રા માટે
મને બતાવો માત્રા

ઘટકો
૩ કપ રાંધેલા ભાત
૩ ટેબલસ્પૂન તેલ
૧/૨ કપ પાતળી સ્લાઇસ કરેલા કાંદા
૧/૨ કપ ઝીણા સમારેલા ટમેટા
૧/૨ કપ ઝીણી સ્લાઇસ કરેલા સિમલા મરચાં
મીઠું , સ્વાદાનુસાર
૧ કપ બાફેલા મિક્સ શાકભાજી (પીળી મકાઇ , ગાજર અને ફણસી)

પીસીને સુંવાળી પેસ્ટ બનાવવા માટે
સૂકા આખા કાશ્મીરી લાલ મરચાં
૪ to ૫ લસણની કળી
કાર્યવાહી
    Method
  1. એક પહોળા નૉન-સ્ટીક પૅનમાં તેલ ગરમ કરી તેમાં કાંદા મેળવી મધ્યમ તાપ પર ૧ થી ૨ મિનિટ સુધી સાંતળી લો.
  2. તે પછી તેમાં તૈયાર કરેલી મરચાં-લસણની પેસ્ટ, ટમેટા અને સિમલા મરચાં મેળવી મધ્યમ તાપ પર ૧ થી ૨ મિનિટ સુધી સાંતળી લો.
  3. તે પછી તેમાં મીઠું અને ૨ ટેબલસ્પૂન પાણી મેળવી મધ્યમ તાપ પર વધુ ૧ મિનિટ સુધી સાંતળી લો.
  4. પછી તેમાં મિક્સ શાકભાજી અને ૧ ટેબલસ્પૂન પાણી મેળવી, સારી રીતે મિક્સ કરી મધ્યમ તાપ પર ૧ થી ૨ મિનિટ સુધી વચ્ચે-વચ્ચે હલાવતા રહી રાંધી લો.
  5. છેલ્લે તેમાં ભાત અને થોડું મીઠું મેળવી, સારી રીતે મિક્સ કરી મધ્યમ તાપ પર ૨ થી ૩ મિનિટ સુધી વચ્ચે-વચ્ચે હલાવતા રહી રાંધી લો.
  6. ગરમ ગરમ પીરસો.

Reviews