મિક્સ દાળ ની રેસીપી - Mixed Dal

Mixed Dal recipe In Gujarati

This recipe has been viewed 1498 times

Mixed Dal - Read in English 


તીખાશ વગર પણ દાળનો સ્વાદ મસ્ત મજેદાર બની શકે છે તેની સાબીતી છે આ મિક્સ દાળ. ત્રણ પ્રકારની દાળનું સંયોજન અને તે ઉપરાંત ટમેટા, કાંદા અને બીજી વસ્તુઓ વડે આ દાળની ખુશ્બુ તમે માની ન શકો એવી મજેદાર બને છે. તીખાશવાળી વસ્તુથી શરીરમાં એસિડીટી વધે છે, પણ આ દાળમાં ફક્ત નામ પૂરતા લીલા મરચાં મેળવવામાં આવ્યા છે. આમ આ દાળમાં મરચાં સિવાય આદૂ, કોથમીર અને જીરાની અસર તમારી સ્વાદેન્દ્રિયને જરૂર ગમી જાય એવી બનાવે છે.

મિક્સ દાળ ની રેસીપી - Mixed Dal recipe in Gujarati

તૈયારીનો સમય:    બનાવવાનો સમય:    કુલ સમય :     ૨માત્રા માટે
મને બતાવો માત્રા

ઘટકો
૨ ટેબલસ્પૂન પીળી મગની દાળ
૧ ટેબલસ્પૂન મસૂરની દાળ
૧ ટેબલસ્પૂન અડદની દાળ
૧/૨ ટીસ્પૂન હળદર
મીઠું , સ્વાદાનુસાર
૧ ટીસ્પૂન તેલ
૧/૨ ટીસ્પૂન જીરૂ
૧/૪ કપ સમારેલા કાંદા
૧/૨ ટીસ્પૂન ઝીણા સમારેલા લીલા મરચાં
૧ ટીસ્પૂન સમારેલું આદૂ
૨ ટેબલસ્પૂન સમારેલી કોથમીર
કાર્યવાહી
    Method
  1. પ્રેશર કુકરમાં બધી દાળ, હળદર, મીઠું અને ૧ કપ પાણી મેળવી કુકરની ૨ સીટી સુધી રાંધી લો.
  2. પ્રેશર કુકરનું ઢાંકણ ખોલતા પહેલા તેની વરાળને નીકળી જવા દો.
  3. એક ઊંડા નૉન-સ્ટીક પૅનમાં તેલ ગરમ કરી, તેમાં જીરૂ મેળવી મધ્યમ તાપ પર ૩૦ સેકંડ સુધી સાંતળી લો.
  4. તે પછી તેમાં કાંદા, લીલા મરચાં અને આદૂ મેળવી, મધ્યમ તાપ પર ૧ મિનિટ સુધી સાંતળી લો.
  5. તે પછી તેમાં ટમેટા મેળવી, સારી રીતે મિક્સ કરી, મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહી રાંધી લો.
  6. તે પછી તેમાં રાંધેલી દાળ, ૧/૨ કપ પાણી, કોથમીર અને થોડું મીઠું મેળવી, સારી રીતે મિક્સ કરી મધ્યમ તાપ પર ૪ મિનિટ સુધી વચ્ચે-વચ્ચે હલાવતા રહી રાંધી લો.
  7. ગરમા-ગરમ પીરસો.

Reviews