You are here: Home > વિવિધ વ્યંજન > ભારતીય વ્યંજન > પીસ્તા ચોકો રોલ ની રેસીપી પીસ્તા ચોકો રોલ ની રેસીપી - Pista Choco Roll, Mithai Recipe તરલા દલાલ Post A comment 28 Sep 2019 This recipe has been viewed 561 times Pista Choco Roll, Mithai Recipe - Read in English તહેવારોમાં મીઠાઇનો આનંદ માણવાનું સૌને ગમે. અહીં તમને એક નવી મીઠાઇ જેમાં પીસ્તા અને ચોકલેટનું સંયોજન છે તેની રીત રજૂ કરી છે. ચોકલેટ અને પીસ્તાના અલગ-અલગ રંગનું સંયોજન એક મસ્ત મજેદાર અને નજરને ગમી જાય એવા આ પીસ્તા ચોકો રોલ બને છે. આ વાનગી બનાવવામાં અતિ સરળ છે અને તેને બનાવવામાં પણ વધુ સમય લાગતો નથી. આ રોલ તૈયાર કરી તમે તેને બે દીવસ સુધી હવાબંધ બરણીમાં રાખી શકો છો. તો આનંદથી તમારા કુંટુબીજનો સાથે આ મીઠાઇનો સ્વાદ માણો. પીસ્તા ચોકો રોલ ની રેસીપી - Pista Choco Roll, Mithai Recipe in Gujarati Tags ભારતીય વ્યંજનસૂકા મેવાના વ્યંજનપરંપરાગત ભારતીય મીઠાઈઓ રેસિપીઝચોકલેટ ડૅઝર્ટસ્રોલ્સ્દિવાળીની રેસિપિરક્ષાબંધન સ્વીટ તૈયારીનો સમય: ૧૦ મિનિટ બનાવવાનો સમય: ૧૬ મિનિટ રાંધવા સમય લેવામાં : 0 મિનિટ કુલ સમય : ૨૬ મિનિટ ૧૫ રોલ માટે મને બતાવો રોલ ઘટકો પીસ્તા ચોકો રોલ ની રેસીપી બનાવવા માટે૧ ૧/૨ કપ ખમણેલો માવો૫ ટેબલસ્પૂન પીસેલી સાકર૧ ૧/૨ ટીસ્પૂન કોકો પાવડર૧/૪ કપ પીસ્તાનો પાવડર૧/૪ ટીસ્પૂન એલચીનો પાવડર૨ ટીપાં ગુલાબનું ઍસન્સ૨ ટીપાં લીલો રંગ (green food colour) પીગળાવેલું ઘી , ચોપડવા માટે કાર્યવાહી પીસ્તા ચોકો રોલ ની રેસીપી બનાવવા માટેપીસ્તા ચોકો રોલ ની રેસીપી બનાવવા માટેએક નૉન-સ્ટીક કઢાઇમાં માવાને ધીમા તાપ પર ૯ મિનિટ સુધી સતત હલાવતા રહી ગરમ કરી લો.તે પછી તેમાં સાકર મેળવી, સારી રીતે મિક્સ કરી ધીમા તાપ પર ૭ મિનિટ સુધી સતત હલાવતા રહી રાંધી લો.હવે આ મિશ્રણ ઘટ્ટ બનીને એકત્રિત બનતું નજર પડે કે તરત જ તાપને બંધ કરીને મિશ્રણને એક મોટી થાળીમાં કાઢીને ચપટા ચમચા (spatula) વડે સરખી રીતે પાથરી લો.મિશ્રણને સહજ ઠંડું થવા ૧૫ મિનિટ બાજુ પર રાખ્યા પછી જ્યારે આ મિશ્રણ જરાક ગરમ હોય ત્યારે તેના ૨ સરખા ભાગ પાડી લો.હવે મિશ્રણના એક ભાગને એક ઊંડા બાઉલમાં અથવા મોટી થાળીમાં મૂકી તેમાં પીસ્તા, એલચી પાવડર, ગુલાબનું ઍસન્સ અને લીલો રંગ મેળવી સારી રીતે મિક્સ કરી બાજુ પર રાખો.તે પછી મિશ્રણના બીજા ભાગને એક ઊંડા બાઉલમાં અથવા મોટી થાળીમાં મૂકી તેમાં કોકો પાવડર મેળવી સારી રીતે મિક્સ કરી બાજુ પર રાખો.હવે લાકડાના એક બોર્ડ પર અથવા સપાટ જગ્યા પર જાડા પ્લાસ્ટીકની એક સીટ મૂકી તેની પર થોડું ઘી ચોપડી લો.તેની પર પીસ્તાનું તૈયાર કરેલું મિશ્રણ મૂકી સરખી રીતે હાથ વડે ૧૫૦ મી. મી. X ૧૭૫ મી. મી. (૬” x ૭”)ના લંબચોરસ આકારમાં પાથરી લો.હવે ચોકો-માવાના મિશ્રણને ૧૫૦ મી. મી. (૬”)ના નળાકારમાં વાળીને એ રોલને પીસ્તાના પાથરેલા ભાગની એક બાજુ પર એક ઇંચ છોડીને મૂકી દો.પછી તેને આ છેડાથી બીજુ છેડા તરફ પ્લાસ્ટીક સાથે સખત રીતે વાળીને રોલ તૈયાર કરો.આમ તૈયાર થયેલા રોલને ૧ થી ૨ કલાક માટે રેફ્રીજરેટરમાં રાખી મૂકો.તે પછી રોલ ઉપરથી હળવે હાથે પ્લાસ્ટીક કાઢી ઘી ચોપડેલા ચપ્પુ વડે તેના ૧૫ સરખા ભાગ પાડી લો.તરત પીરસો અથવા હવાબંધ બરણીમાં ભરી રાખો અને જ્યારે જરૂર પડે ત્યારે આનંદથી ખાઓ. આ રોલ રેફ્રીજરેટરમાં બે દીવસ સુધી તાજા રહેશે.હાથવગી સલાહહાથવગી સલાહરીત ક્રમાંક ૧૨ મુજબ જ્યારે રોલના ટુકડા કરવામાં જો તકલીફ પડે તો દર ૩ થી ૪ ટુકડા પાડ્યા પછી ચપ્પુ પર ફરીથી પીગળાવેલું ઘી ચોપડી લેવું.