લીલા નાળિયેરની આઇસક્રીમ - Homemade Coconut Ice-cream recipe in Gujarati
Method- એક બાઉલમાં કોર્નફ્લોર અને ૧/૪ કપ ઠંડું દૂધ મેળવી સારી રીતે મિક્સ કરી બાજુ પર રાખો.
- હવે એક ઊંડા નૉન-સ્ટીક પૅનમાં બાકી રહેલું ૨ ૧/૪ કપ દૂધ અને સાકર મેળવી, સારી રીતે મિક્સ કરી મધ્યમ તાપ પર ૩ થી ૪ મિનિટ સુધી વચ્ચે-વચ્ચે હલાવતા રહી ઉકાળી લો.
- તે પછી તેમાં કોર્નફ્લોર-દૂધનું મિશ્રણ મેળવી, સારી રીતે મિક્સ કરી મધ્યમ તાપ પર વધુ ૧ મિનિટ સુધી સતત હલાવતા રહી રાંધી લો.
- હવે તેને તાપ પરથી નીચે ઉતારી સંપૂર્ણ ઠંડું થવા બાજુ પર રાખો.
- જ્યારે સંપૂર્ણ ઠંડું થઇ જાય, ત્યારે તેમાં તાજું ક્રીમ મેળવી સારી રીતે મિક્સ કરી લો.
- હવે આ મિશ્રણ એક એલ્યુમિનિયમના છીંછરા પાત્રમાં રેડીને તેને એલ્યુમિનિયમ ફોઇલ વડે ઢાંકી લીધા પછી રેફ્રીજરેટરમાં ૬ કલાક અથવા તે અડધું સેટ થઇ જાય ત્યાં સુધી રાખી મૂકો.
- તે પછી તેને ફ્રીજમાંથી કાઢીને મિક્સરમાં ફેરવી સુંવાળું મિશ્રણ તૈયાર કરો.
- ફરી આ મિશ્રણને એ જ એલ્યુમિનિયમના પાત્રમાં રેડી તેમાં નાળિયેરની મલાઇ મેળવી, સારી રીતે મિક્સ કરી એલ્યુમિનિયમ ફોઇલ વડે ઢાંકી ફ્રીજમાં લગભગ ૧૦ કલાક અથવા આઇસક્રીમ સંપૂર્ણ રીતે સેટ થઇ જાય ત્યાં સુધી રાખી મૂકો.
- તરત જ પીરસો.