કેનેલોની | Cannelloni
તરલા દલાલ

કેનેલોની | cannelloni in gujarati |

કેનેલોની એ હોમમેઇડ પાસ્તા છે, સામાન્ય રીતે મેંદો અને ચોખાના લોટની સાથે ચીઝથી સુશોભન કરી બનાવવામાં આવે છે. પણ આ સ્વાદિષ્ટ મુખ્ય ભોજનને તંદુરસ્ત ૨૦૭-કેલરીનું સંસ્કરણ બનાવવા માટે ઘઉંનો લોટ અને ઓછી કેલરીવાળા મોઝઝેરેલા ચીઝથી તૈયાર કરવામા આવ્યું છે.

કેનેલોની શીટ, પાલક અને ઓછી ચરબીવાળા પનીરથી ભરેલી, એક વિશિષ્ટ સ્વાદ ફેલાવે છે, જે તાજી તૈયાર ટમેટાના સોસના મનોહર ટોપિંગ દ્વારા આગળ વધે છે. તૈયાર કરવા માટે કંટાળાજનક હોવા છતાં, ક્યારેક તમારા હાથે પ્રયાસ કરી આ વાનગી ભોજનમાં બનાવાની કોશિશ જરૂર કરજો.

This recipe has been viewed 4077 times

कैनलोनी - हिन्दी में पढ़ें - Cannelloni In Hindi

Cannelloni - Read in English

કેનેલોની - Cannelloni recipe in Gujarati

Tags

ઇટાલિયન વેજ પાસ્તા કેઝરૉલ્સ્ અને બેક્સ્ક્રીસમસ્ વાનગીઓ થેન્કસગિવીંગ ઇટાલીયન પાર્ટીના વ્યંજન નૉન-સ્ટીક પૅન

તૈયારીનો સમય: ૨૦ મિનિટ બેકિંગનું તાપમાન: ૨૦૦° સે (૪૦૦° ફે) બેકિંગનો સમય: ૧૫ મિનિટ બનાવવાનો સમય: ૮ મિનિટ કુલ સમય : ૪૩ મિનિટ ૪ માત્રા માટે
મને બતાવો માત્રા

ઘટકો

કેનેલોની શીટ્સ માટે
૧/૨ કપ ઘઉં નો લોટ
૧ ટીસ્પૂન તેલ
મીઠું , સ્વાદાનુસાર
ઘઉંનો લોટ , વણવા માટે

મિક્ષ કરી પૂરણ માટે
૧ ૧/૪ કપ હલકી ઉકાળીને બારીક સમારેલી પાલક
૧ ૧/૨ ટીસ્પૂન બારીક સમારેલા લીલા મરચા
૧/૨ કપ ભૂક્કો કરેલું લો ફૅટ પનીર
મીઠું , સ્વાદાનુસાર

ટામેટાના સોસ માટે
૧ ટીસ્પૂન તેલ
૧/૨ કપ બારીક સમારેલા કાંદા
૧/૨ ટીસ્પૂન લસણની પેસ્ટ
૧ ૧/૪ કપ તાજા ટમેટાનો પલ્પ
૨ ચપટી સાકર
૧/૨ ટીસ્પૂન મરચા નો પાવડર
૧/૨ ટીસ્પૂન સૂકો ઑરેગાનો
મીઠું , સ્વાદાનુસાર

અન્ય ઘટકો
ઘઉંનો લોટ , વણવા માટે
૧ કપ ઓછી કેલરીવાળી સફેદ સોસ
૨ ટેબલસ્પૂન ખમણેલું મોઝરેલા ચીઝ

કાર્યવાહી
કેનેલોની શીટ્સ બનાવા માટે

ઊંડા બાઉલમાં ઘઉંનો લોટ, ૧/૨ ટીસ્પૂન તેલ અને મીઠું ભેગું કરો અને પૂરતા પાણીનો ઉપયોગ કરીને નરમ કણક બાધી લો.
કણકને ૮ સમાન ભાગોમાં વહેંચો અને દરેક ભાગને ઘઉંના લોટની મદદથી ૧૦૦ મી. મી. (૪”) વ્યાસના પાતળા ગોળાકારમાં વણી લો.
વાસણમાં પાણી ભરી ઉકાળો, બાકીનું ૧/૨ ટીસ્પૂન તેલ ઉમેરો અને જ્યારે તે ઉકળવા લાગે ત્યારે એક સમયે એક કેનેલોની શીટ છોડો, ૧/૨ મિનિટ માટે રાંધી લો અને કાઢી લો. ઠંડા પાણીમા નાખી તાજું કરો અને ગાળી લો. એક બાજુ રાખો.

ટમેટાની (સોસ) ચટણી બનાવા માટે

એક ઊંડા નોન-સ્ટીક પેનમાં તેલ ગરમ કરો, તેમાં કાંદા અને લસણની પેસ્ટ નાખી મધ્યમ તાપ પર ૧ મિનિટ માટે સાંતળો.
તાજા ટમેટાનો પલ્પ ઉમેરો, સારી રીતે મિક્ષ કરી દો અને મધ્યમ તાપ પર ૨ મિનિટ માટે વચ્ચે વચ્ચે હલાવતા રાંધી લો.
તેમાં સાકર, મરચાંનો પાઉડર, ઓરેગાનો અને મીઠું નાંખી, બરાબર મિક્ષ કરી મધ્યમ તાપ પર ૧ મિનિટ માટે વચ્ચે વચ્ચે હલાવતા રાંધી લો. એક બાજુ રાખો.

કેનેલોની બનાવા આગળ વધો

પૂરણને ૮ સમાન ભાગોમાં વહેંચો અને બાજુમાં રાખો.
રાંધેલા પાસ્તાની શીટને ચોખ્ખી, સૂકી સપાટી પર મૂકો, પાસ્તાની શીટ પર એક બાજુ પૂરણનો એક ભાગ મૂકો અને તેને સખ્તાઇથી રોલ કરો.
બાકીના ૭ સ્ટફ્ડ કેનેલોનિસ બનાવવા માટે ક્રમાંક ૨ ના મુજબ તૈયાર કરી લો. એક બાજુ રાખો.
તૈયાર કરેલી ટમેટાની ચટણીને બેકિંગ ડીશમાં સમાનરૂપે ફેલાવો.
સ્ટફ્ડ કેનેલોની તેના પર મૂકો અને તેના ઉપર સરખી રીતે સફેદ સોસ રેડો.
અંતે તેના પર સરખે ભાગે ચીઝ છાંટો.
હવે તેને ઑવનમાં ૨૦૦° સે (૪૦૦° ફે) તાપમાન પર ૨૦ થી ૨૫ મિનિટ સુધી કા તો ચીઝ ઓગળે ત્યાં સુધી બેક કરી લો.
તરત જ પીરસો.