કેબેજ ઍન્ડ દાલ પરાઠા - Cabbage and Dal Paratha

કેબેજ ઍન્ડ દાલ પરાઠા, અનાજ, કઠોળ અને શાકભાજીનું એક શાનદાર મિશ્રણ છે. આ સમતોલ વાનગીને તમે, અડધા ઘઉંના લોટને બદલે, સોયા અથવા નાચણીનો લોટ વાપરી, વધુ આરોગ્યવર્ધક બનાવી શકો છો. સમતોલ દાળની કૂણાશ, કોબીનું કરકરૂપણું અને વરિયાળી અને ફૂદીનાની ખુશ્બુ ને કારણે તમને આ પરોઠા જરૂરથી ભાવશે.

કેબેજ ઍન્ડ દાલ પરાઠા - Cabbage and Dal Paratha recipe in Gujarati

તૈયારીનો સમય:    બનાવવાનો સમય:    કુલ સમય :     ૫પરોઠા માટે
મને બતાવો પરોઠા

ઘટકો

કણિક માટે
૧ કપ ઘઉંનો લોટ
મીઠું , સ્વાદાનુસાર
૧/૨ ટીસ્પૂન તેલ

પૂરણ માટે
૩/૪ કપ ઝીણી સમારેલી કોબી
૨ ટેબલસ્પૂન પીળી મગની દાળ , પલાળેલી અને હલકી ઉકાળેલી
૨ ટેબલસ્પૂન તેલ
૧ ટીસ્પૂન વરિયાળી
૧/૪ કપ ઝીણા સમારેલા કાંદા
૧ ટીસ્પૂન ઝીણા સમારેલા લીલા મરચાં
૫ ટેબલસ્પૂન ઝીણા સમારેલા ફૂદીનાના પાન
૧/૪ ટીસ્પૂન હળદર
૧/૨ ટેબલસ્પૂન આમચૂર
મીઠું , સ્વાદાનુસાર

અન્ય સામગ્રી
ઘઉંનો લોટ , વણવા માટે
તેલ , ચોપડવા અને શેકવા માટે

પીરસવા માટે
તાજું દહીં
અથાણું
કાર્યવાહી
કણિક માટે

    કણિક માટે
  1. એક બાઉલમાં ઘઉંનો લોટ, મીઠું અને તેલ મેળવી, સારી રીતે મિક્સ કરી, જરૂર પુરતું પાણી નાંખી, મસળીને નરમ કણિક બનાવો.
  2. ઢાંકણ વડે ઢાંકી ૧૦ મિનિટ સુધી બાજુ પર રાખો.

પૂરણ માટે

    પૂરણ માટે
  1. એક પહોળા નૉન-સ્ટીક પૅનમાં તેલ ગરમ કરી, વરિયાળી અને કાંદા ઉમેરી, મધ્યમ તાપ પર ૧ મિનિટ સુધી સાંતળી લો.
  2. હવે તેમાં લીલા મરચાં અને કોબી ઉમેરી મધ્યમ તાપ પર વધુ ૧ મિનિટ સુધી સાંતળી લો.
  3. હવે તેમાં મગની દાળ, ફૂદીનો, હળદર, આમચૂર અને મીઠું મેળવી, સારી રીતે મિક્સ કરી, મધ્યમ તાપ પર ૧ થી ૨ મિનિટ સુધી વચ્ચે થોડા-થોડા સમયે હલાવતા રહી રાંધી લો.
  4. આ પૂરણના ૫ સરખા ભાગ પાડી બાજુ પર રાખો.

આગળની રીત

    આગળની રીત
  1. કણિકના ૫ સરખા ભાગ પાડો.
  2. એક ભાગને ઘઉંના લોટની મદદથી ૧૫૦ મી. મી. (૬”) વ્યાસના ગોળાકારમાં વણી લો.
  3. પૂરણનો એક ભાગ રોટીના અડધા ભાગ પર મૂકો અને બાકીના ભાગની રોટી, પૂરણ મૂકેલા ભાગ તરફ વાળી લો જેથી અર્ધ-ગોળાકાર બને.
  4. એક નૉન-સ્ટીક તવા પર થોડું તેલ ચોપડી ગરમ કરો.
  5. થોડા તેલની મદદથી પરાઠાની બન્ને બાજુઓ ગોલ્ડન બ્રાઉન થાય તે રીતે શેકી લો.
  6. ઉપર પ્રમાણે, બાકીના કણિક અને પૂરણ વડે, બાકીનો ૪ પરોઠા બનાવી લો.
  7. દહીં અને તમારા પસંદના અથાણાં સાથે તરત જ પીરસો.

Reviews