આ ઝટપટ બનતા ઢોસાનો ખીરો ઊર્જા, પ્રોટીન અને ફાઈબરથી ભરપુર છે. ઓટસ્ માં સોલ્યુબલ ફાઈબર – “બીટા ગ્લુકન” ની માત્રા અધિક હોય છે અને તે માટે આપણે ઓટસ્ નું સેવન દરરોજ કરવું જોઈએ. અડદની દાળ અને ગાજરનો ઉમેરો આ ઢોસામાં પ્રોટીન અને વિટામીન-એ નો પણ ઉમેરો કરે છે. તો ઝટપટ બનાવો આ ઢોસા અને તમારી મનપસંદ ચટણી સાથે પીરસો.
Oats Mutter Dosa ( Fibre Rich Recipe ) recipe - How to make Oats Mutter Dosa ( Fibre Rich Recipe ) in gujarati
ઢોસાના ખીરા માટે- ઓટસ્, અડદની દાળ અને મીઠું મિક્સ કરી મિક્સરમાં ફેરવીને ઝીણું પાવડર તૈયાર કરો.
- પછી તેમાં ૧ ૩/૪ કપ પાણી મેળવી, સારી રીતે મિક્સ કરી રેડી શકાય એવું નરમ ખીરૂં તૈયાર કરીને ૧૦ થી ૧૫ મિનિટ માટે ઢાંકીને બાજુ પર રાખો.
પૂરણ માટે- એક પહોળા નૉન-સ્ટીક પૅનમાં તેલ ગરમ કરી, તેમાં રાઈ અને લીલા મરચાં ઉમેરો.
- જ્યારે દાણા તતડવા માંડે, ત્યારે તેમાં કાંદા મેળવી ધીમા તાપ પર ૨ થી ૩ મિનિટ કાંદા અર્ધ-પારદર્શક બને ત્યાં સુધી સાંતળી લો.
- પછી તેમાં ગાજર અને લીલા વટાણા ઉમેરી મધ્યમ તાપ પર વધુ ૧ થી ૨ મિનિટ સુધી સાંતળી લો.
- પછી તેમાં મીઠું, ચાટ મસાલો અને મરચાં પાવડર મેળવી, સારી રીતે મિક્સ કરી મધ્યમ તાપ પર વધુ ૧ થી ૨ મિનિટ સુધી રાંધી લો.
- છેલ્લે તેમાં લીંબુનો રસ મેળવી, સારી રીતે મિક્સ કરી મધ્યમ તાપ પર વધુ એક મિનિટ સુધી રાંધી લો.
- આ મિશ્રણના ૮ સરખા ભાગ પાડી બાજુ પર રાખો.
આગળની રીત- એક નૉન-સ્ટીક તવાને ગરમ કરી તેની પર ૧/૪ ટીસ્પૂન તેલ સારી રીતે ચોપડી લો.
- તે પછી તવા પર એક ચમચા જેટલું ખીરૂં રેડી ચમચા વડે તેને ગોળ ફેરવી ૧૭૫ મી. મી. (૭")ના વ્યાસનો ગોળ ઢોસો તૈયાર કરો.
- આ ઢોસાની કીનારીઓ પર ૧/૪ ટીસ્પૂન જેટલું તેલ રેડી મધ્યમ તાપ પર ઢોસો હલકા બ્રાઉન રંગનો બને ત્યાં સુધી રાંધી લો.
- આમ તૈયાર થયેલા ઢોસાની મધ્યમાં પૂરણનો એક ભાગ મૂકી, ઢોસાને વાળી લો.
- આ જ રીતે બાકી રહેલા ખીરા વડે ૭ ઢોસા તૈયાર કરી લો.
- તમારી મન ગમતી ચટણી સાથે તરત જ પીરસો.
હાથવગી સલાહ:- ખીરૂ તૈયાર કરીને લાંબો સમય રાખવું નહીં, નહીં તર તે ઘટ્ટ થઈ જશે અને તેથી તેને પાથરવા માટે તકલીફ થશે.
Nutrient values એક ઢોસા માટે
ઊર્જા
૮૪ કૅલરી
પ્રોટીન
૨.૯ ગ્રામ
કાર્બોહાઈડ્રેટ
૧૧.૦ ગ્રામ
ચરબી
૩.૨ ગ્રામ
ફાઈબર
૧.૬ ગ્રામ
વિટામીન-એ
૧૩૦.૮ માઈક્રોગ્રામ
લોહ
૦.૭ મીલીગ્રામ