શાહી આલૂ | Shahi Aloo, Mughlai Aloo Sabzi
તરલા દલાલ

શાહી આલૂ બનાવવામાં સહેલી છતાં શાહી વાનગી છે જે તમે કોઇ ખાસ જમણમાં પીરસી શકો. અહીં કાજૂ અને કીસમીસ તેને શાહી તો બનાવે જ છે, પણ સાથે તેના સ્વાદમાં પણ વધારો કરે છે. આ વાનગી કોઇ પણ રોટી અથવા પૂરી સાથે પીરસી શકો.

Shahi Aloo, Mughlai Aloo Sabzi recipe In Gujarati

This recipe has been viewed 5581 times

शाही आलू रेसिपी | काजू के साथ मुगलई आलू की सब्जी | मुगलई शाही आलू - हिन्दी में पढ़ें - Shahi Aloo, Mughlai Aloo Sabzi In Hindi

shahi aloo recipe | Mughlai aloo sabzi with kaju | Mughlai shahi aloo | - Read in English

શાહી આલૂ - Shahi Aloo, Mughlai Aloo Sabzi recipe in Gujarati

Tags

તૈયારીનો સમય: ૧૫ મિનિટ બનાવવાનો સમય: ૧૦ મિનિટ કુલ સમય : ૨૫ મિનિટ ૪માત્રા માટે
મને બતાવો માત્રા

ઘટકો

૧૪ to ૧૬ બાફીને છોલેલા નાના બટાટા
૩ ટેબલસ્પૂન તેલ
૧ કપ ઝીણા સમારેલા ટમેટા
૩ ટેબલસ્પૂન દહીં
૧ ટીસ્પૂન મરચાં પાવડર
૬ કાજૂ
૧ ટેબલસ્પૂન કીસમીસ
૨ ટેબલસ્પૂન ઝીણી સમારેલી કોથમીર
૧/૨ ટીસ્પૂન સાકર
મીઠું , સ્વાદાનુસાર

પીસીને સુંવાળી પેસ્ટ તૈયાર કરવા માટે (થોડું પાણી મેળવીને)
૨૫ મિલીમીટર (૧”)નો તજનો ટુકડો
૨ એલચી
૩ લવિંગ
૬ કાળા મરી
૧ ટીસ્પૂન આખા ધાણા
૧/૨ ટીસ્પૂન જીરૂ
૧ ટીસ્પૂન ખસખસ
૧૨ મિલીમીટર (૧/૨”) નો આદુનો ટુકડો
૩ લસણની કળી
૧/૨ ટીસ્પૂન મરચાં પાવડર

સજાવવા માટે
૨ ટેબલસ્પૂન ઝીણી સમારેલી કોથમીર

કાર્યવાહી

એક કઢાઇમાં તેલ ગરમ કરી તેમાં તૈયાર કરેલી પેસ્ટ મેળવી મધ્યમ તાપ પર ૧ થી ૨ મિનિટ સુધી સાંતળી લો.
પછી તેમાં ટમેટા મેળવી સારી રીતે મિક્સ કરી મધ્યમ તાપ પર ૨ થી ૩ મિનિટ, વચ્ચે એક વખત હલાવીને ટમેટાને ચમચાના પાછળના ભાગ વડે દબાવી કચરીને, રાંધી લો.
પછી તેમાં દહીં અને મરચાં પાવડર મેળવી સારી રીતે મિક્સ કરી ધીમા તાપ પર વધુ ૧ મિનિટ સુધી સતત હલાવતા રહી રાંધી લો.
તે પછી તેમાં કાજૂ, કીસમીસ, કોથમીર, સાકર, મીઠું અને ૧/૪ કપ પાણી મેળવી, સારી રીતે મિક્સ કરી મધ્યમ તાપ પર ૨ થી ૩ મિનિટ સુધી વચ્ચે-વચ્ચે હલાવતા રહી રાંધી લો.
છેલ્લે તેમાં બટેટા મેળવી સારી રીતે મિક્સ કરીને મધ્યમ તાપ પર ૨ મિનિટ સુધી વચ્ચે-વચ્ચે હલાવતા રહી, રાંધી લો.
ગરમ ગરમ પીરસો.